qorilugudnews24.com
QISO DHAB AH, (1), WALAALKAA DIBINDAABYEE, PROF. MOHAMED AHMED FARAH MATAAN (JAAFAA)
January 25, 2021 - Written by qoriadmin

Waqtiga iyo waayahuba waa casharo aadanahu, dunida ka korarsadaan, khibrad iyo aragtiyo cusub. Xikmad ku odhanayso ayaa jirta “taariikhdu waxay kaaga warantaa wixii dhacay, si ay kuu tusto mustaqbalkaaga” oo uu nuxurkeedu yahay qaladaadkii horay kuugu dhacay in  aaney,dib danbe kuugu dhicin.

Waxaa xusid mudan in aynu dib u eegno loolanadii siyaasadeed iyo dagaaladii qabaaileed ee aynu soo marnay iyo is maan dhaafkoodii ku saleysnaa damaaci xukun, mid kastana la dayeysanaa, WALAALKAA DIBIBINDAABYEE, taasoo aakhirkii keentay in ay kuligood isku noqdaan cadow, beeshuuna  u durbaan tumeneysey, dakano qabiil iyo mid dowladeedba. Ragaas inta uu loolanka uu u dhaxeeyey waa laga waayay,  in ay isu tanaasulaan si ay u meel marto dantooda iyo tan umadda ay mas’uulka ka yihiin  ha ahaatabe.

Haddaba, raggii ku dhaqmi jirey caadooyinka aragtidooduna aynu soo sheegnay oo iyagoo walaalo ah ay colaadda foosha xun dhex mari jirtey, ayaa waxuu xaalkoodu ku danbeeyay in aakhirkii markii ay talo farahooda ka wada baxday oo ay jabeen ay isu soo direen gabayo digasho iyo dardaar werin isugu jiray oo nuxurkoodu uu ku soo ururayay “Ruux hadduu kuu darnaan jirey waa lagu digtaa”, iyo “maxaad igaga diganeysaa waxaad iga dambeysaaba waa, deyrta maanta ahe!”, iyada oo intii ka soo hadhayna dufaanadii colaaddeed ay raaceen ileyn iyagaa isdabar gooyey oo garbahoodii dunshey.

Waxaana nasiib daro labaad iyo sadexaadba ah, Qarnigan aynu joogno kuwa raba in shacab iyo dadyow badan aay meel ugu xidhnaadaan, oo jid iyo jahoba u diidaan, walibana magacyo iyo maamuus ku dhex leh dadkii, masuuliyadna kuu xambaarsan yihiin oo weliba codkaaga iyo ficilkaaga kugu dulaystaan, kugu dulmaan, dhiigaagana ku xalaalaystaan , adiguna aad garan ladahay.

PROF. MOHAMED AHMED FARAH MATAAN (JAAFAA)

KRISTIANSAND, NORWEY

jaafaa66@gmail.com

COMMENTS
Latest News